Iqtisodiyot fanlari doktori, professor Rustam Abduraupov boshchiligidagi delegatsiya Debretsen universiteti rektorati hamda universitetning boshqa vakillari bilan uchrashdi.
Muhokamalar talabalar va professor-o‘qituvchilar almashinuvi dasturlari, qo‘shma tadqiqot tashabbuslari va ikki muassasa o‘rtasida qo‘shma akademik dasturlarni amalga oshirish imkoniyatlari kabi qator mavzular doirasida olib borildi. Ikkala universitet ham xalqaro hamkorlik va global ta’limni rivojlantirishga qat’iy ishonch bildirdi.
Tashrif davomida ikki tomon oʻrtasida oʻzaro anglashuv memorandumi imzolandi.
Shuningdek, delegatsiya Debretsen universiteti kampusiga uyushtirilgan ekskursiya doirasida universitet professor-o‘qituvchilari va xodimlari bilan uchrashish, o‘quv dasturlari va tadqiqot tashabbuslari bilan yaqindan tanishish imkoniga ega bo‘ldi.
Tashrif xalqaro hamkorlikni rivojlantirish hamda akademik almashinuv va hamkorlik uchun yangi imkoniyatlar yaratish maqsadida har ikki universitet tomonidan olib borilayotgan sa’y-harakatlarning bir qismi bo‘ldi. Mazkur tashrif muvaffaqiyatli bo‘lib, ikkala muassasa ham kelajakdagi hamkorlik va almashinuv imkoniyatlaridan mamnun.