Raqamli iqtisodiyot va agrotexnologiyalar universitetida yoshlar o‘rtasida ekologik madaniyatni shakllantirish maqsadida “Eko-faol yoshlar” loyihasi doirasida ko‘chat ekish tadbiri tashkil etildi.
Tadbir davomida talaba-yoshlar faol ishtirok etib, universitet hududiga turli manzarali va mevali ko‘chatlar ekdilar. Ushbu tashabbus orqali atrof-muhitni muhofaza qilish, yashil hududlarni kengaytirish hamda ekologik ongni rivojlantirishga alohida e’tibor qaratildi. Ko‘chat ekish jarayoni talabalarda tabiatga mehr, mas’uliyat hissi va ekologik madaniyatni shakllantirishga xizmat qildi.
Mazkur tadbir sog‘lom muhit yaratish, kelajak avlod uchun yashil makon qoldirish hamda yoshlarni ekologik tashabbuslarga keng jalb etishda muhim ahamiyat kasb etadi.
