“Agrobank” ATB tomonidan 4 yillik to‘liq moliyalashtirilgan grant sohiblari taqdirlandi

2025‑yil 29‑iyul kuni “Agrobank” bosh ofisida UDEA’da o‘qish uchun 4 yil davomida 100 % moliyalashtiriladigan 200 ta grant g‘oliblarini tantanali ravishda sertifikatlar topshirish marosimi bo‘lib o‘tdi. Grantlar iqtidorli yoshlarni qo‘llab‑quvvatlash va ularga xalqaro darajadagi ta’lim eshigini ochish maqsadida Agrobank tomonidan taqdim etildi.
Grant sohiblariga 4 yil davomida kontrakt to‘lovi to‘liq hamda turar-joy xarajatlari qoplab beriladi. Shuningdek, barcha grant sohiblari o‘qish davrida ish haqi to‘lanadigan amaliyot o‘tash imkoniyatiga ega bo‘ladilar.

Nega aynan UDEA?
UDEA — IT, moliya, menejment va biznes yo‘nalishlarida amaliyotga yo‘naltirilgan zamonaviy ta’lim beradi. Talabalar uchun:

• Grant va stipendiyalar;
• Ish haqi to‘lanadigan amaliyot;
• Start‑up inkubator va karyera markazi.

E’tiborlisi, UDEA Buyuk Britaniyaning nufuzli Coventry University bilan to‘g‘ridan‑to‘g‘ri hamkorlik qiladi. Koventri Universiti:
Coventry University dunyoda TOP‑600 talikka, Yevropada TOP‑60 talikka, Buyuk Britaniyada

• TOP‑15 talikka kirgan;
• Ta’lim sifati bo‘yicha TEF Gold mukofotiga sohibi;
• UDEA talabalari O‘zbekistonda o‘qib xalqaro tan olingan Britaniya diplomini qo‘lga kiritishadi.

Umid qilamizki, ushbu grant sohiblari yaratilgan imkoniyatlardan to‘liq foydalanib, kelajakda mamlakatimiz ravnaqiga bilim va g‘ayratlari bilan o‘z xissalarini qo‘shishadi.