Raqamli iqtisodiyot va agrotexnologiyalar universitetida huquqni muhofaza qilish organlari vakillari ishtirokida “Kiberxavfsizlik, zamonaviy tahdidlar va ularning oldini olish choralari” hamda “Giyohvandlik — umr zavoli” mavzulariga bag‘ishlangan tadbir tashkil etildi.
Tadbirda Yakkasaroy tumani bo‘yicha IIO FMB HPB ATSJOOB inspektori katta leytenant A.J. To‘raqulov, katta leytenant A.A. Mamayusupov hamda leytenant O.A. Sayakov ishtirok etib, talabalar bilan ochiq muloqot olib bordilar.
Uchrashuv davomida internet tarmog‘ida uchrayotgan kiberxavflar, firibgarlik holatlari hamda ulardan himoyalanish yo‘llari yuzasidan hayotiy misollar asosida ma’lumotlar berildi. Shuningdek, giyohvandlik va psixotrop moddalarning inson salomatligi hamda jamiyat kelajagiga salbiy ta’siri haqida tushuntirishlar olib borildi.
Muloqot yakunida yoshlarning huquqiy madaniyatini oshirish, sog‘lom turmush tarzini targ‘ib qilish va xavfsiz internetdan foydalanish bo‘yicha tavsiyalar berildi.
